wen dü die ding recht vernÿempst vndverstoest vnd zue vor an daß wortt Indes nit vergist In allen stuecken die du tribenbist So magstu wol eyñ guetter meinster deß messerssin vnd magst fuersten vnd heren leren dz sie mit rechter kuenst woll besten In schÿmff vnd Inernst ~
das vor
Itm~ daß vor ist so du e kuempst mit demhaulb dan er daß er dir versetzen mueß So arbeytt Indes behendeglich mit dem messer fur dich vnd loß indarnoch zu keyner arbeytt kuemen also hastu Im an gewuende~daß vor ~
das noch
Itm~ wan er E kuempt mit dem haulb den du vñ Imdas versetzen muest So arbeytt Indeß behendeglichmit dem messer oder suenst mit stueckñ Sonyembstu Im daß vor mit dem noch vnd das heistdas vor vnd das noch ~
schvech vnd sterck
Itm~ du solt auch vor allen dingen wissen die schwech vndsterck des messers Nu merck von dem gehultz biesß andie mitte des messers das ist die sterck Vnd von der mit biß andas ortt das ist die schwech vnd wie du dar vß vechtensolt daß v findest her noch geschreben vnd waß daswort Indes ist etc
sechs haulb lere
Sechs heulb lere
Aus eyner hant wider die were
