Itm~ daß zehende heist die hend drueck dz wuertt so er spricht druck ~
Itm~ daß elfte sind die ab lauffen dz wurt beruerett so er sprichtt ab lauff ~
Itm~ daß zwelffte sint die benemen dz wuertt berüret so der text spricht benÿm ~
Itm~ daß xiij daß sint die duerch gen dz wuertt so er sprichtt durch ge ~
Itm~ daß xiiij sint die boge~ dz wu~t so er spricht boge~
Itm~ daß xv heist dz messer nemen dz ist so er sprichtt were nÿm ~
Itm~ das xvj daß die henge~ dz ist so er sprichtt henge
Itm~ dz xvij sint die wende~ im messer So er spricht wende gege~ den plosßen also hastu dz der haubt stueck sintt zeh drÿvndzwentzig ~
waß uff dich wirtt gericht
Was vff dich wurt gericht
Zorn haulb ortt dz gar bricht
Wiltu in beschemen
Am messer ler ob nemen
So der meinster des messer vechtñ in die stueck geteilt hatt vnd eyn yttlichs mit name~ genãt hatt Nu hebt er an zue sagen von dem ersten glyett der teÿllüng als von dem zorn haulb ~
Itm~ den tribe also wan er von der rechten syte~ oben zue dem koppff schlecht So haulb von diner rechten syte~ auch von oben mit Im zorniclichñ glich an al versatzüng
