oben In Indeß loß den ortt fur In schuessen Im zue dem gesiecht oder brust vnd wend Indes din messer gege~ dem sinen dz die lang schnide oben ste vnd die kurtz vntte~ wuertt er dz orttz gewar so wende wider vff sin linckñ site~ den ort zu dem gesicht dz euechling die lange schnid oben ste wurtt er dz ortz geware so rieß im messer vff an das messers clinge~ wider võ sinen messer vnd haulb im von zu der andern site~ zu dem kopff dz heist ab genomen Im messer etc
ein anders
Itm~ hautt er von siner rechtñ achsell So haulb auch zorniclich glich mit Im In vnd wend den ortt zu dem gesicht gege~ sinen messer dz die recht schnid oben ste wurtt er dz stichs gewar So loß den ortt Indes vnte~ sencken vnd far zwueschen dich vnd Im do mit gesencktem ortt vff vnd haulb im zue der rechte~ site~ oben zu dem kopff mit der lange~ schnide~ ~
ein anders
Itm~ nÿmpt dir eyner ab am messer So wind din messer mit dem rueck dines messers anwenig auff dz sin vñ haulb im oben noch der ploß so schlechstu In duerch den kopff
Itm~ eyn ander bruch wider die ab nemen Indes so er ab neÿmpt So drett besitz vß dem haulb oder schlag vnd arbeÿtt im zu der nesten ploß mit dem haulb ~
Itm~ eyn ander bruch Indeß so er ab nÿmpt Stich im zue dem gesichtt etc Haulb szich merck / tex
Haulb / stich / merck
Im band / weich / oder hert /
