Vnd ist seltzam Vnd gu°t Wiltu dz stu°ck mache~ So ste mit dine~ lincken fuß fur vnd halt deyn messer vff diener rechtñ achsell Stott er dan In lügenßlant So haulb von dÿner rechtñ achsell mit gestracken arm zu° Im lang In mit der lange~ schnide~ Vnd im we haulb so wende gegem synem messer vnd schlag in vff dz haupt mit der kurtzen schnide~ Indes loß dyn messer sencken fur dyne~ lieb dan ge durch Indes vff dyn lincken syten mit gesencktem ortt vnd schlag In vff den kopf vff syner rechtñ site~ mit der kürtzñ schnide~ ~
Ein ander stueck
Itm~ leg dyn messer vff dyn lincken syten dz der ortt vff der erde~ ste vnd der thu°m obñ vff dem messeg [!] lig oder ste in der schranckhutt dz der rechtt fuß vor ste lyett er dan in der hu°t lueginßlant So haulb eÿchling In zu° siner rechten syte~ die ku°rtz schnid Indes gee dürch mit dyem messer vnd senck den ortt vñ far mit dem messer vff syn lincken siten also
