hastu dz stueck zwyffach von beyten seÿten
Itm~ wiltu aber nicht durch gin dz eß dich zueletz duenck durch zu gen von syner rechte~ syten So blib also lÿgen mit dem messer vñ wind geger sÿner lincken sytñ dz die kuertz schnid schnid vnte~ ste vnd stÿch Im zue dem gesicht etc
Sr weck linck im treffen
Winck linck ym treffen
Haulb recht lang wiltu in effen
Daß soltu also verstan Stott er gege~ dir in lügenßlant So haulb von dÿner rechten achßell gerad obñ In zu Im In eynem ober haulb mit langem ortt gestracktem arm zu syner lincken syten Nu merck Im haulb dÿweill der haulb nach dem kopf get Indeß wind gege~ synenm messer dz die kuertz schnid vnte~ stee vnd verend den schlag nicht sünder In dem schlag loß den ortt sincken vnd ge vnte~ duerch mit dem messer vff din lincken syte~
