vor im wil ab zyehen oder verhaulben wiltu die selbige~ meinst° tueschen vnd effen So mag die zuecken gege~ im also pind mit dem entruest haulb an sin messer vff siner lincken siten vnd wan die messer zu° samen glitzen Indes zueck mit dem arm eyn wenig zue ruck vnd mach vß dem haulb eyn streich vnd stich im zuecken vff sin lincke site~ zu dem gesicht Wiltu dan so loß das messer durch gan vnd schlag im wider In mit der stümpffen oder scharffen schnide~ zu siner rechte~ site~ vff sin obern zÿnnen vnd wz dz duerch gen ist dz wuerstu her nach enttichtt vnd sich eben dz du die durch gen machest noch mÿner meÿnug wan ich die ym messer anders betuett dan Im schwertt
ein anders
Itm~ Haulb im von der rechte~ site~ oben In starck zu dem kopff fert er dar vnd will versetzen so zueck din messer an dich e er dan an pindt vnd stich Im nach der andern zÿnnen der andern site~ dz thu°n In allen treffen des messers ~
ein anders
Itm~ hat er an din messer gebünde~ vnd stat er dan gege~ dir am messer vnd wartt ob du dich wellest ab ziehen So thu°n als ob du dich
