Itm~ wiltu dz ander stuck machen So loß din lincken arm fallñ hange~ vff din brust so stoß mit diner lincken achseln vnd truck mit der rechte~ hant sin rechte arm vast vber din bruest vnd spring strack vff din rechte~ site~
Itm~ laüfft dir eyner In vnd ist hoch mit dem arm So lauff aüch starck vff in dz die hend zu samen rüren vnd dring hoch vber h sich mit dem indes loß din messer fallen vnd far vnttersich mit den armen vnd begriff do mit sin peÿde~ henden beÿn in die geleng ob der knue buege vnd heb in vff die achsell diner rechte~ oder limcken [!] site~ vnd wurff in vber rueck vff den kopff
ein anders
Itm~ laufft dir eyner In zu diner rechte~ syten so begriff sin rechte~ hant mit diner lincken verkerte~ hant indes schrit mit dine~ rechten fus wol vff syn rechten vnd far mit diner linckent hãt hant vnder din rechten elnboge~ vßwendig vber sin arm mit der rechten hãt vnd zueck mit beÿde~ hende~ sin rechtñ arm vff din brust vnd zwing dich starck vff din linckñ site~ vnd schrit mit dinem rechte~ fus fur sinen rechte~ vnd wuerff in vber din rechtes beyn ~
Sr nÿmpt er dz gewichtt Sr tex[us]
