rechten vnder diner rechten vnd hat din arm vff sin brust gefast vnd will dich do mit vber ruck drucken Indes ste strittes gegen im vnd loß din messer sencken nider in din lincke vschen vnd griff mit diner lincken hant in sin arm nohent by der achsell vnd schrit mit dinem rechten fus hinter sinen rechten vnd rib dich vmb vff din lincke siten vnd wurff in vber din rechten fus ~
ein ander bruch
Item Aber eyn bruch hat er dich gefast mit siner rechten vnter sinen rechten vnd mit siner lincken geschlagen In dinen rechten elnbogen als vor so fal in die mit dines messers mit diner lincken hant vnd far vff mit der klingen in die hohe vnd far mit dinen gehultz vber sin beide arm vnd schrit mit dem lincken fus fur sin lincken vnd druck mit dem gehultz starck von oben nider vnd mit dem lincken arm schub starck by siner achsell vff sin lincke siten vnd wuerff in vber din linckes peynd
Item Aber eyn ander bruch grifft er also vor so griff mit diner lincken hant vnten an din gehultz der rechten zu hillff vnd riß starck vndersich als du vor vntterricht bist vnd haulb im durch den koppff ~
