Wiktenauer logo.png

Page:MS M.I.29 080v.jpg

From Wiktenauer
Revision as of 02:02, 18 February 2021 by Michael Chidester (talk | contribs)
Jump to navigation Jump to search
This page has been proofread, but needs to be validated.

werffen als die fraulben wan sie dz garn ab haspeln von beiden siten vnd thün glich als wollest nider sitzen mit dem messer vnd loß dz messer von beiden siten ab gen doch dz der thüm alwegen vnten ste vff der flech des messers vnd wan du dan sihest dz er dinem messer noch get mit der versatzüng Indes mach eyn feller vff welcher siten du den man an dem gewisesten meinest zu haben so trifstu in

oder so du ablauffest von beiden siten Indes so du oben ab gelauffen bist also bald schlach zu der vntern zynnen Indes schlag pald wider ze der obern zynnen oder schlag im den ortt in sin brust vnd schlag indes behend ze der vorigen zÿnnen ~

Sequitur der in hangenden ort ligen

Der im hangenden ort ligt
Vnd die benemen weg
Dem soltu durch gan
Wiltu sin nicht schaden han

Hie saget der meinster aber ein halbpt stuck dz ist von dem bnÿmen

Nu merck dz benemen im messer dz ist wan ir im ze vechten ze samen kümptt vnd so ir beid ligt im hangenden ort ligstu dan vff