lincken siten ze dem kopff Indes wind gegen sinem messer die stümpfen schniden vnd loß den ort mider sincken vnd far zwuschen dir vnd im vff sin rechte siten vnd stich im oben In ze dem gesicht vnd wind din messer daß die stümpff schnid vnten ste ~
Item so du also vff die recht siten geschlagen hast Indem durch gen also magstu ouch Indes durch zucken vnd widerümb stechen vff sin lincke siten ~
versuch In
Item du magst die auch versuchen ob du Im magst durch peiden wãgen stechen vnd thün dem also so du zu dem man kümpst in dem ze vechten als vor Indes haulb starck In eynen ober haulb vff in als vor Indes ge durch mit dem messer vff sin rechte siten vnd stich im ze dem gesicht Indes zuck dz messer wider an dich vnd stich Im ze dem gesichtt siner lincken siten ~
alliud
Item haulb eyn ober haulb vff sin lincke siten als vor vnd ge aber durch vnd stich im vff
