Wiktenauer logo.png

Page:MS M.I.29 112v.jpg

From Wiktenauer
Revision as of 02:40, 10 February 2021 by Michael Chidester (talk | contribs)
Jump to navigation Jump to search
This page has been proofread, but needs to be validated.

vff mit dem ortt im zu sinem gesicht oder in brust hastu in troffen mit dem ortt vnd er herschrickt vnd zuck den lib oder kopff zu rueck Indes fal wider herab mit dinem messer in die haut der pasteyn vnd zuck dinen rechten fus wider zu ruck vnd loß dich an schaden nicht vß der hut pasteyn bringen also thün im auch vß der lincken siten ~

alliud

Item ligstu in der hut pasteyn eß sÿ vff der rechten oder vff der lincken siten Sichstu dz er darüff wil kümen mit dem messer oder sünst daruff will fallen so wechschell vnten durch als du woll weist ~

alliud

Item ist er hoch im band so far im mit dem ort zu dem gesicht oder brust ist er aber nider mit dem arm so wartt der ringen ~

Sequitur die zynnen wil er herstigen

Die zÿnnen wil er herstigen
Pasteÿ ort thut yn ab triben
Was vff luginßlant wurt geschlagen
Pasteÿ ist das ab tragen

Die meynug des text ist So du ligst in der huet der pasteyn wil er im zuvechten zu der vier zynnen eyne wil schlagen dz soltu mit dem ortt als oben geschreben stot weren