Item Ein Anders heben Wan du neben In fallest So nÿm sin hauptt vntter siner lincken vchschen vnd vmb fahe in mit dem hals vnd leg dich mit dem lincken oben vntter sin antzlutz vnd arbeit mit der rechten hant ~
Item Ein anders Felt er auff den ruck so fal im mit dinem rechten beyn zwischen sin beyn vnd faß im den rechten arm in din lincke knÿepogenn vnd setz dich dar vff vnd begriff sin lincke hant mit diner rechten oder lincken hant truck In nider vnder sin hals vnd halt in fest mit diner lincken vnd arbeytt mit der rechten mit dem tegenn ~
Item Ein Anders Wurffstu in auff den ruck so fal inn mit dinem lincken knÿe zu sinem rechten arm vnd mit der lincken hant fur sin hals vnd do mit truck vast / begriff im sin lincke hant mit der rechten vnd begriff mit der lincken der rechten zü hilff vnd arbeytt mit der rechten ~
Item Ein Anders Felt er auff den rück so begriff inn beyde peÿn vntter dem knÿe mit beyden henden vnd heb sie auff vnd fall ÿm mit dem knÿe zwischen sin peÿn ÿnd die hoden vnd die halt also beÿ dem peyn mit eÿner hant vnd mit der andern arbeit mit dem tegenn ~
Item bÿ dem hals mit der lincken Fur die kelle ~
Item vnder dem rechten arm durch vnd vber den hals ~
Sequitur
