Wiktenauer logo.png

Page:MS M.I.29 136r.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

erden vnd hilff mit henden vnd mit fuessen so kümpstu auff ~

Ein stuck auff das

Begriff syn lincke hant mit diner lincken vnd ruck an dich fal auff den rück vnd mit der rechten hant begriff sin beyn vnd hebe vber sich so kümpstu auff ~

Ob du auff den ruck velst

Item Als du velest leg dyn lincke hant auff sin brüst vnd wan er auff dich vallett so griff mit diner lincken hant an sin lincken elnbogen vnd mit der rechten hant griff vntter sin linckes knÿe vnd hebe vber sich vnd mit dem lieb schupff dich risch auff yn den fal so kümpstü auff ymuen ~

Ein ander pruch

Oder bring din lincken arm vmb sin hals vnd heb mit dem rechten peÿn vnd hilff mit der rechten

Item magstu daß nit gethün vnd er mit dem tegen arbeytt So schüpff dich albeg außwartz magstu din lincken arm gewÿnenn so griff ÿm vnder sin hant vntter den tegen vnd thün die hant zu wen du griffent wiltt vnd wen du ÿm die hant gefassest hast So griff mit der rechten an sin lincken elnbogen vnd heb vber sich vnd rueck dz recht knÿe zü dir vnd besich ob du ÿnn magst von dir gestossenn ~