Hie heb sich an das kürtz swert in dem kanpff als es meinster mertein hündsfelder gesait hatt ~
Item NIn das swertt bÿ der rechten hant bÿ dem beÿn vnd mit der lincken griff mitten in die clingen vnd ge vast zu dem man So müß er schlagen oder stechen do küm vor vnd biß rechs pleÿb sollichenn vnd griff nohenn ~
Das erst stuck
Item Stich Im Inwendig zu synen gesicht wirt er dir daß So far durch vnd setz im an außwendig an sin gesicht wirtt er daß furbaß vnd stichet dir den ort ab so wind mit dinem knopff in vber sin rechte achsell vnd spring mit dinem rechten peyn hinder sin linckes vnd wurff in vber ruck ~
Ein bruch
Item wer dir daß thut vnd hat dir den knaupff an den hals geworffen so far mit diner lincken hant von vnten avff zwischen sinen peynden armen vnd schwing dich dan von Im auff din rechten siten vnd wurff yn vber die hueff ~
Item wan er dir den knopff vmb den hals will werffen So griff mit der lincken hant von dir vnd griff vnter sin rechte hant an daß pntt vnd an den knapff vnd züch den vnder sich vnd setz ÿm an mit dyn schwertt wo dü willt ~
