Der ander gang hat Sechs Stuck.
Krump in die sterck,
durchwend mit merck.
Wind uberlauff,
verwapen ort unnd knauff.
Stich in zu seinn gesicht,
des Creutz arbeit mit ficht.
Des verfürten knaufs soltu gedenken,
auf dem hauptt machstu in krenckenn.
In aller arbeit umbdrit,
das egevert mach mit.
Der drit ganzg hat Sieben stuchk.
Schil was vom tak kumbt,
durchzwirch gem nit frumbt.
Darin schaw sein sach,
den halbschaitler mit mach.
Nimbs ab gar behend,
dro, den haw wider endt.
Dem schilt im stark verdring,
mit uberlauf in bezwing,
in der sterck seiner kling.
In aller arbeit umbdrit,
das egevert mach mitt.
Der vierd ganng hat fünf stuck
Den Ochsen durchstos,
mit zwei schriten groß,
Wind und wider wind,
den schaitelhaw mach geschwind,
Wund, den treffer pald schlag,
In den bauch und auf de[n] nack.
In aller arbeit umdrit,
das Egevert mach mit.
Der fünft gang hat fünf stuck.
Durchstreich denn lanngenn ort,
zuck, wider stich dann mordt.
Denn Plinthaw las prellenn,
so magstu yenen wol fellen.
