Wiktenauer logo.png

Page:MS Var.82 061r.png

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

vnnd gehe ann denn mann mit annsetzenn, vnd setz im an das gesicht, wert ers, so ruck oder setz im ann denn drüssel, oder ann die achselnn, oder vnter die vchsenn, vnnd dring in also vonn dir hin, Vnnd wann du hast anngesetzt, so las inn nit abkummenn, so mag er weder geschlagenn noch gestechenn, Wann es wirt im tzu kurtz, vnnd das ist die kunst das wiß.

Item merck alles das du wilt ansetzenn, das setz ann das gesicht, oder ann denn drussel, oder ann die linckenn achselnn, oder vntenn ann die vchsenn, vnd dring in also vonn dir hinwegk.

Item setztu im an die rechtenn seittenn, so trit ab mit dem linckenn fus, oder setzt im an der linckenn seittenn, so trit ab mit dem Rechtenn fus, vnnd lauf fur dich, vnnd truck in auf ein seittenn, vnnd lest er dir die seittenn, so stoß in auff die haubenn, wiß das ist das krenckest ann dem menschenn.

Item merck wen du Im hast angesetzt, vnnd ist der lenger dann du, so