Wiktenauer logo.png

Page:MS Var.82 108v.png

From Wiktenauer
Jump to navigation Jump to search
This page has been proofread, but needs to be validated.

lincke hanndt, vnnd reiß auf dein Rechte seittenn, vnnd setz im ann,

auch magstu aus der obernn hut mit dem knopf wol schlagen wẽ es dir ebẽ ist.

Das ist die ander hut mit dem kurtzen schwert zu kampff.

Merck halt dein schwert mit baiden hendenn, vnnd halt es vntersich, tzu deiner Rechten seittenn, mit der handhab nebenn deinem Rechtenn knie vnnd das dein lincker fus vor stehe, vnnd der ort dem man gegen dem gesicht.

Item wenn du also stehest, in der hut, stehet er den gegenn dir in der obernn hut, vnnd wil dir obenn ansetzenn, So stich du vor, vnd setz im den ort, vnter sein lincke vchsenn in die plos, oder stich im tzu seiner vorgesatzenn handt, zu der plos des teners. Oder stich im vber seiner vorgesatzten handt durch, vnnd dem schwert, vnd truck denn knopf, gegenn der erdenn, vnd setz im an zu der andern seitten.