wicht nemen, bej dem elenbogen. So senncke den selbig elenbogen vnndter sich, vnnd stosse ime den in die Seitten, vnnd mit der annderen hannd, begreif ime Ein bain in der kniebüge, vnnd wirf ime.
Aber ain Leibrinngen.
Item hastu dich aber mit ainem gefasst, alls vorgeschriben steet, hellt er dich dann loß, vnnd druckt dich nit fasst, So wechsel die hannd die du vnndten hast, inn auf die annder seitten, auswenndig in sein kniebüge, vnnd hebe damit auf, vnnd mit der hannd, die du oben hast, fare ime oben für den hals, vnnd stoss ime damit oben von dir, so fellt er.
Aber ain Rinngen.
Item Wann dir ainer mit seiner rechten hannde zwischen deinen bainen durchfört, vnnd fasset dich hinnden bej der joppen, so bucke dich mit dem gegen ime, vnnd fare aussen, vnnden durch seinen recht arm, vnnd hebe damit übersich, so mag er dich nit werffen.
Aber ein Rinngen.
Item ob dich ainer bej ainer hannd begriffe, vnnd Wollte dich über sich ziehen, mit seinen beden hennde
