nach gedruckt, mit der linnggen hannd, und wirf ine zugrund.
Ein annders finngen.
Item Geh deinen linnggen fuß vor, unnd schwing ine auf die linngge seitten, unnd druck ine fasst zuruck, mit deinen linnggen fuß, unnd bald für dem rechten, unnd fall auf sein linngges bain, unnd setz den schrannck mit dem rechten bain, das er über das geworffen werd, oder fasse ine hinnden, fasst bei dem goller, unnd schwinng ine, so fellt er auf den grunnd nider.
Imm zulauffen.
Item So du mit ainem Rinngst, zulauffenns auß lanngen armen, so gedennck das dein rechter arm auswenndig si, unnd der linngg innewenndig, Setzt er den fuß für, so brich ine auß mit der hannd, die gegen dem fusse steet, unnd zuck ime den fuß, unnd kumme mit der anndern zuhilff, unnd heb ine hoch, auf, unnd trit ime mit ainem fuß innewendigs hinndter seinen fuß, unnd druck ine oben zu ruckh, das geet zu beden seitten.
