das geet zu beden seitten.
Vom Unndtertretten..
Item Hebt dich ainer starck, unnd setzt sich In die wag, unnd will sich nit unndtertretten lassen, so fass ine bei ainem finnger, so brichstu ime den finnger auß, das soll man verborgen hallten, unnd one not keinen thun.
Vornen umbzufahen.~
Item So dich ainer vornen umbfecht, unnd hat bede arm unnden, so greif ine mit ainer hannd in das goller, unnd stich ine mit ainem finnger im den halß, so muß er dich lassen, unnd magst ine dann unndtertretten, unnd auf den ruggen werffen.
Nota.
Item Fasst dich ainer hinndten bej dem goller, unnd will dich fahen oder stechen, so greif ime mit deiner linnggen hannd, oben auf sein hannd in das gelenngk, unnd reib ims umb, unnd setze ime deinen rechten elenbogen, oben auf seinen arm, unnd stoß nider zue erden, so brichstu ime den arm ab, unnd geet von beden seitten.
