des rechten bains.
Nota.
Item Geet er hoch gegen dir in dem rinngen mit auf gerechten armen, so lauf ime durch mit dem haubt unndter seinen rechten arm seiner rechten seitten schreit vorn für seinen fuß den rechten unnd fare ime mit deinem rechten arm unndter seinem rechten durch unnd hinndten umb seinen leib senck dich ein wenig nider unnd heb ine auf dein rechte hüft unnd wirf ine hinnder dich
So ainer gefallen ist.
Item So du einen gewerffen unnd zu fall bracht hast so knie ime zwischen bede bain auf seine gemecht fass ime bede hennd oder gurgel trucke fasst allenthalb zu der erden so behelstu ine.
Bruch.
Item Bis tu ir vergewaltigt unnd unndter geworffen hab rilennds gut acht das dir deiner hennd nit verschlossen sind sonnder far ime gleich mit einer hannd inß angesucht den daumen unnders kin dir anndern finnger unndter den augapffel greif allso
