Alia sternendi effigies.
Mer ein wurff.
Item schick dich also in dises stuck mit dem zufechten Trit mit deinem rechten schenckel hinein vnd/ stich ein obern stich Im nach seinem gesicht oder der prust Sticht er also von oben auf dich vnnd du/ auch in ainem obern stich gegen Im steest so nimb Im das ab mit deinem tolchenkreutz auf dein/ lingge seitten In dem greiff Im mit deiner linggen hand von vnden in seinen rechten arm wol/ vornen bey der hand Will er dir dann mit seiner linggen hand auch nach deiner rechten hand/ greiffen so lass deinen tolchen fallen vnd erwisch Im mit deiner rechten hand sein lingge Inn/ dem gib dich wol nider in die wag mit dem leib vnd stoss In mit deinem linggen schenckel/ in seinen bauch vnd nay dich zum fall zurugk vnd im fall komb mit deinem rechte schenckel/ deinem linggen zuhilff so schwingst du In uber dein baid schenckel uber dich hinaus.
