Dein schneid wende
zw flechen druck dÿe hende
von tzwaien hengen
Zwaÿ hengen werden
Aus ein° hant von der erden
In allem geferte
Haw stich leger waich oder herte
von sprechfenster
Sprechfenster mach
Stant freileich besich sein sache
Slach in das er schnobe
wer sich fur dir zeuhet abe
Ich sag dir für war
Sich schütz kain man ane far
Hastu vernum~en
zu slag mag er clain kummen
Das ist die beschliessung der zedel
Wer wol fürt vnd recht pricht
vnd endlich gar bericht
vnd pricht besunder
Igleichs in dreÿ wunder
wer recht wol henget
vnd winden do mit pringet
Vñ winden acht
Mit rechtñ wegen betracht
vnd io[?] ir eine
Der selben winden selbdritt ich meine
So sind ir zwaintzigk
vnd vier zell sÿ antzigk
von paiden seittñ
Acht winden lere mit schreiten
Vnd pruef dÿe gefert
Nicht mer nür waich oder hert
Das Ist Maister Johansen liechtenäwer ross vechten
