Wiktenauer logo.png

Page:Cod.44.A.8 018r.jpg

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

Das ist der text vnd die glos aber eins aus dem krumphaw

krump nicht kurtzhaw
Durchwechsel do mit schaw

|Glosa |merck das ist wenn er dir von sein° rechten seitten oben ein wil hauen |So var hoch  auff mit den henden |vnd thue als dw ÿm mit dem krump haw an sein swert wellest pinden |vnd var mit dem ort |vnd seine~ swert durch |vnd stich ym zw° der anderñ seitten zu° dem gesicht oder der prust |vnd wart das dw oben vor dem haubt mit dem gehültz wol gedackt seist

|Auch prichstu mit dem stuck die hu°t des ochsen |Den treib also |Wenn dw mit dem zw° vechten zw ÿm gest stet er denn gegen dir vnd heltt sein swert mit dem gehültz auff seiner lincken seitten vor dem haupt |So wurff dein swert an dein rechte achsel |vnd thue als du im mit dem krump haw an sein swert an wöllest pinden |vnd haw kurtz |vnd wechsel do mit vnden durch sein swert |vnd schewss im deñ ort zu° der anderñ seitten lanck vnder seine~ swert ein zu° dem hals |So mües er vor setzen |Do mit kumpstu zw° schlegen |vnd zw° ander arbait mit dem swert

[Marginal note in a different hand:] krumpha. W. der pricht die Huet des Ogsen

Das ist der text vnd die glos aber eins stucks aus dem krumphaw