hast vnd er dÿ sein wider gegen dir So reitt auf In vnd vnd thu° als dw In aber In das gesicht wollest stechen vnd wenn dw nahent zw Im kumpst So lass dein glefen voren nyder sincken vnd wechsel do mit vnden durch sein glefen zu° seiner rechtñ seitten so trifstu vnd er nit
Das lert die erst figur die spricht also Jag von der prüst zw sein° rechent hant
Merck
das stuck treib aus der anderñ hu°t Also wenn dw mit Im zu° samen reittest So lass dein glefen vorñ nyder sincken zw deiner lincken seitten treibt er denn auff dich mit der glefen So streich slecht auff zu° deiner rechten seitten mit dein° glefen an die sein vnd heb do mit ein wenig vber sich So trifstu vnd er nicht
Das lert die achtzehent figur die spricht also Jag zw der rechten hant mit iren künsten
Merck das stuck Treib aus der drittñ hu°t also wenn dw mit Im zw samen reittest So halt dein glefen mit paiden henden In der mitt für dir twerchs auf dem satelpogen Reitt er denn auf dich mit der glefen So streich mit dem voderñ tail deiner glefen zw sein° rechten seitten an die sein vnd slach dein glefen do mit vnder dein rechtes vchsen vnd reit fur dich so triffestu vnd er nicht Auch soltu aus allen dreyen hüttñ mit der lincken hant der glefen zw hilff kömen durch der sterck willen
Das lert die sechst figur die spricht also greif an mit paiden henden die sterck ~~
