an dein rechte seitten So went dich aus dem stich auff dein lincke Oder setzt er dir hinden an dein lincke seitten So went dich aus dem stich gegen ÿm auff dein rechte seittñ vnd reitt do mit an ÿn vnd arbait mit dem swert oder mit dem ringen
Das lert die xxiiij figur Die spricht also Ob man dich Jagt von paiden seitten ker vmb linck so er recht chumpt
Merck ein behendickait mit dem spiess
Merck wenn dw vor Im weg Jagst vñ hast ein glefen vnd er auch eine Jagt er dir nach so halt dein glefen auf deiner rechtñ achseln vnd merck wenn er hinden schier an dich chümpt so heb dein glefen vber das haupt vb auf dein lincke achsel vnd wennt dich gegen ÿm auff dein lincke seitten vnd slach do mit dein glefen vnder dein arm~ Also chu~pstu ÿm do mit gerad vnder augen ~
Merck swert wider den spies
Wenn dw hast ein swert vnd er ein glefen So leg dein swert auf den lincken arm~ in die hu°t Reitt er denn auf dich mit der glefen zw deiner lincken seitten so reitt sittigclich wider gegen ÿm vnd wenn er chu~pt zw dem treffen So var auff mit dem knopf vnd lass die klingen in der hant gegen dein° lincken seitten vnd setz ÿm die glefen da mit ab Oder reitt er dir zw der rechtñ seitten so streich slecht auff mit dem swert an sein glefen zw seiner rechten seitten vnd var auff in das öber geheng vnd setz ÿm an
