stucken sol ein starcker also verslossen werden das er seiner sterck do nicht wol wirt mügen geniessen vnd das merck in der nägsten hernach geschribñ ringen
Das erst Ringen
Merck felt er dich oben an mit sterck vñ wil dich zw Im rucken oder von ÿm stossen So slach dein rechten arm~ aussen vber sein lincken vorñ pei seiner hant vnd druck sein arm~ an dein prust mit paiden henden vnd spring mit dem rechten fuess hinder seinen lincken vñ würf In aus dem fuess vber das knÿe
Das ist ein arm~pru°ch
Merck velt er dir mit paiden henden in die arm~ vnd thu° ÿm wider heltt er dich denn nicht vest So begreiff mit der rechten hent sein rechten arm~ vorñ pei seiner rechten hant oder peÿ den vingerñ vnd halt ÿn do peÿ fest vnd mit der lincken vass In peÿ dem rechtñ elpogen vnd stos Im den vber sich vnd peug mit der rechten hant sein rechten arm~ vber dein lincken vnd heb mit dem lincken arm~ sein rechten vbersich So prichstu Im den arm~ oder würffst In für dich
Ain Ringen vnd ain arm~pru°ch
