er denn mit dir geleich ein So begreiff sein swert in der mitt mit lincker vor karter hant vnd halt sÿ paide vest vnd var mit dem knopf vnden durch sein swert vnd ru°ck do mit vber sich auff dein rechte seitten So nÿmpstu Im sein swert
Also prich das
Wenn dir einer mit seiner lincken hant geg begreifft dein swert In der mitt zw dem seinem vnd wil dir das mit dem knopf vnden durch aus reissen So merck die weil er dein swert vast in die linck hant zu° dem seinen So var auf in die öber hu°t vnd setz Im an
Das xij stuck
M·erck wenn dw stest in der vnderñ hu°t So stich ym starck dar aus vnden zu° den hoden velt er dir denn mit der lincken hant in dein swert vnd tu° ym wider in das sein So würf sein swert aus der lincken hant vnd begreif das dein do mit wider mitten in der klingen vnd wind den ort aussen vber sein lincke hant in die ober hu°t vnd setz Im an
Das xiij stuck
Merck wenn dw Im aus den vnderñ hu°ten zu stichst velt er dir denn mit der lincken hant in dein swert vnd tu° ÿm wider in das sein So wurf Im dein swert mit dem knopf für die fuess ~
