Item stichstu eine~ zu° dem gesicht aus der oberñ hu°t felt er dir deñ mit sein° lincken hant in dein swert zwischen deinen paiden henden so wind mit dem knopf Inwendich durch sein arm~ oder aussen vber sein arm~ auf dein lincke seitten vnd ruck auf dein rechte seitten vnd setz Im an das haist ausgezewnt vnden vnd oben ~
Item wenn du eine~ hast an gesetzt vnd er starck wider ist das dw nicht gedringen magst greift er denn vnden durch dein swert mit seiner lincken hant vnd begreift dir dein lincke vnd wil dir das gewicht nemen So merck die weil er dir den arm~ vmb reydet so secz ÿm an vnder das linck vchsen so gewinstu Im die swech an wie starck er ist kan in die sterck nicht gehelfen
Item stich mit eine~ geleich ein aus der vnderñ hu°t vnd pis starck so far am swert ist er auch starck so far mit dem knopf auf mit dein° rechten hant vnd mit der lincken leit Im den ort vber sein lincken arm~ an die prust oder vnder sein lincks vchsen vnd setz ym an vnd In allen an setzen so wind das gepindt vnder das vchsen in die hu°t ~
Hie hebt sich an maister marteins hundtfeltz kunst die vnder halden vnd die auf sten Im harnasch zu° kampf
