Oder pring deinn lincken arm~ vmb sein hals vnd heb mit dem rechten pain vnd hilf mit der rechten hant
Item magstu das nicht getu°n vnd er mit dem degen arbait so schupf dich albeg auswertz magstu dein lincke hant nicht gewinnen so greif ÿm vnder sein hant vnder den degen vnd tu° die hant zw° wenn du greiffen wild vnd weñ du Im die hant gefast hast so greiff mit der rechten an sein lincken elpogen vnd heb vbersich zuck das recht knÿ zu° dir vnd besich ob du Im magst von dir gestossen ~
Ein güt halden in den ringen
Begreif mit der rechten hant sein rechtñ arm~ hinder seiner rechten hant vnd mit deiner lincken hant nÿm ym das gewicht pei seine~ rechten elpogen vnd stoß sein rechten arm~ mit deiner rechten hant wol vber deinen lincken arm~ vnd dritt hinder In vnd hald In also fest hastu In nicht geworfen so begreif sein rechts pain vnder dem knÿe ~
Das ist eine lere
Hastu einen vnder dich geworffen so schneid oder reis ein gross stuck aus seine~ wappenrock stich ÿm das in sein visir mit dem degen vñ lass in das nicht aus gewinnen das ist gut weñ es kotig ist oder würf Im das visir voller staubs oder gemüls oder stich mit dem degen erden aus vnd würf Ims in das gesicht
ein andere ler
