mit deine~ gehültz vnder sein arm~ vnd mit deine~ rechten fuess far vnder sein satelrÿmen vnd erpür ÿm den fues vnd heb ÿm auf den arm~ mit deine~ gehültz vnd würff ÿn also vom ross
Item das stuck ist der edelschafgrif als du wol waist wie man den treiben sol
Item ein swert mit dem anderñ genome~ aus den hangenden örterñ begreif ÿm den arm~ do er das swert Inn heltt vnd hurt ym durch vnd nÿm ÿm das swert oder zeuch ÿn von dem ross
Item als vor haw° Im geräd zum kopf ein ober haw
Item gee auf von dem lincken arm~ vnd hau Im ab den hals mit der twer oder begreif im den hals mit der rechten hant vnd würff ÿn ~
Das ist zu° gewappenter hant
Item lass lanck hangen vnd greif in das kurtz swert vnd vorsetz für deiner hant vnd stich ÿn wo dw magst ~
Item als vor vnd far Im vmb den hals besunder vorsetz von dir lanck ~
Item gee auf mit dem knopf vnd vor setz mit dem venster vnd greif in das halbswert vnd wechsel die hinder hant foren vnd slach ÿm zu dem hals ~
