Wiktenauer logo.png

Page:Cod.44.A.8 111r.jpg

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

|vnd würf |Wil er aber zucken swert oder degen |vnd wil das sper fallen lassen |So lug auf den degen |oder messer oder swert zyehen |Ee er zeucht |vnd lass in nicht dar zu° chu~men |Sunder begreif Im vorñ sein hant |oder sein leip |vnd druck in dar nÿder mit kunsten als vor geschriben ist Im ringen |vnd du Im nahent zu° chumpst so mag er dir kainen schadñ zu° zÿehen mit seine~ swert weder mit an setzen |weder mit slachen mit dem kloß |wenn ir seit paid zu° nahent an ein ander das er nicht mag dar zu° chömen ~

Das ist der text

Leder vnd hantschuech
vnder augen die plössen recht suech
Verpotne ringen
weislich zu° lere pringen
zu° schliessen finde
die starcken do mit vberwinde

|Glosa |merck das ist |vnd sind die plöss die du suechen solt Im fechten |oder wenn du In geworffen hast |vnd sein mächtig pist also du solt Im stechen vnden zu° dem hantschuech |oder stich Im vnder sein vchsen |oder stich zu° allen pauchflecken |vnd huett dich das du zu° nider nicht stichst als zu° den hoden |Anders er vber lauft dich |vnd wirft dich auch ~ ~