[?][soll man Einen] haubtman Erwellen /.
18. Jttem der abgende haubtman Soll die Erst Cöre haben vnnd darnach jegclicher mit bruder alaine haimlich Fragen, vnnd die selben haimlich aufftzenhnen, vnd welcher dann die mainste woll hat der sol 2 jar lang haubtman sein One allen auß zug vnnd widerred /.
19. Jttem Darnach soll der abgeende alt haubtman Rechenschafft thun, jnn Beÿssen seiner mit Bruder vnd sol zuuor alle ding bezalen das kain Schuld nach seinem ampt Erfunden werden als dann soll dem Newen Haubtman die Schlissel zu der Büxen oden laden Solchs hie zustellen mit Brieffen vnnd andern So da dann verhannden jst wie dan von alter her komen vnnd gewaichet jst Es soll auch kainer vber die Laden gehen Es seÿen dan 2 oder 3 mit Einannder Es sol auch der haubtman alle jn Nam vnnd auß gab jn Schrifften haben /.
Nota[1]
Jttem jm jar 1543 jst bei mir hanns kaub zu maister geschlagen worden mit Namen Casper Steringer Kürßner von Erdfurt Lienhart Franspürg[er] kürsner von minchen jerg Deierle Nadler von Niermberg, Niclas Beierbach kürßner Burger zu Franckfurt vnnd bleibt jeglicher seine 2 ß schuldig jn die Büxen /.
Jttem jst bei mir hanns kaub zu maÿster geschlagen worden Sixt hautter von meiningen Ein kirschner gsell Petter Purckhart von Freiburg. jnn Vchtlannd vff sontag vor maria gepurt anno. 1544
- ↑ Third writer, probably Paulus Hector Mair
