Wiktenauer logo.png

Page:Cod.I.6.2º.5 24r.jpg

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

ym an an den hals und ruck yn auff die seitten Bindt er aber harrt an und starck so pis wider starck und wendt die kurtzen schneid an sein swert und stos und schnappe schnell wider herumb und schlag zw seiner rechten seitten mit kurtzer schneid gatist neher Oder aber so dw an seinen swert die kurtz schneid gewendst so schlag im auf der selben seitten wider nider auf den kopf

Biß staarck herwider

Als maister hans Medl sagt So dw mit zornhaw ainem vnd ort anpinden wilt so pis starck Im anpinden mit der twir gegen ym sicht er dann das, so nym aber ab mit krump oder kurtzer schneid zw seiner rechten wie oben mit seiner arbait etc Dw magst auch wol nach deinem kurtzen schlag pleiben vnd Im nachgeen

Ain text ainer guten gemainer lere

Das eben mercke
hew stich leger waich oder herrte
Indes var nach
anhurt dein krieg sey nicht gach
Wes der krieg remet
In dem wirt er oben beschemet

Glosa Das ist das dw eben mercken sollt wann dir ainer mit ainem haw oder stich oder sunst an dein swert pindt ob er am swert waich oder herrt sey So dw das empfindest oder fülst asoandz soltu Indes wissen welches dir am pesten zimpt ob dw mit dem vor oder mit dem nach arbaiten solt Aber dw solt mit dem an hurten des kriegs nit zegach sein wann der krieg ist nichtz anderst dann die winden in dem swert die sindt wißlich ze treibenn wer die nit wol kan oder versteet

^a So wend Indeß nach der waych oder hertin nach der nechten ploß mit dem krieg

Ain text wie man in den winden hew stich gerecht soll findenn ain lere

In allen winden /
hew stich schnit lere recht finden
Auch soltu mitte
brüfen die geferte
leger ob er sey waich oder herrte etc*
häw stich oder schnite
in allen treffen
den maisteren wiltu sy effenn

Glosa Das ist das dw in allen winden hew stich schnit recht finden solt also das dw mit allen winden am swert gantz fertig sollt sein wann ain ietlichs winden hat drew besunder stuck Das ist ain haw ain stich vnd ain schnit vnd

^* da hört maister hans auff etlich setzen das auch hinzwe