vnnd zugelassen wurd damit Er sich nit durch Onwißen hait Entschuldige möge mag man jme dise Ordnung vnd gesez leßen Oder sunst Offen Baren lassen sich darnach wissen zu halten vnd gehorsamlich One Alle widerred vnd seumnus zu Erzaigen bei bus vnd penen nach gelegenhait der vberfarung wie hernach geschriben steth, vnd Ein capitel nach gelegenhait der zeit vnnd Person das zu jederzeit gut jst vnd dunckt /.
Jttem Alle vnnd jeden maÿster die zu den gemelten zeitten so man die singende meß, wie Obstet thut zu Franckfurt sein sollen zu Opffer gehn als sich wol zimet welcher das nit thete, der solt der Bruderschafft Ein pfund wax jn die Büx bezallen
Auch were Es das Einer vber land keme, vnd nit bei der mess were der vnd Ein jedlicher der die mesß verseumbt sollen auff den selbigen tag kain Schulgelt nochtail daran haben. Es were dann das Er so Redlich sachen jnn tag brechte das Ein haubtman Oder wer auff diße zeit zu Franckfurt jm Capitl mit den Eltesten werden vrsach vermercken das Es nit jnn verachtung Oder Frewfenlichs fürnem==ens[1] halben geschechen were vngevarlich Auff der Bruder gut geduncken /.
Auch jst geordnet vnd gemacht welcher maÿster nicht so man solche mesß singt jn franckfurter Terminei jst, der soll zu der buß das wax der vrsachen halben wie obsteth, nit bezwungen sein zugeben /.
- ↑ Two letters struck before the final ens
