messer und senck den ortt nyder und gee czwischen yn und dir auff seyn rechte seytten und schlag yn zw dem kopff
Item kumbstu zw ym ynnn zwvechten so haw aber eyn oberhaw starck auff seyn lincke seytten und zw dem kopff yndeß wynd gegen seynem messer dy stumpff schneyden und laß den ortt nyder sincken und far czwischen dir und ym auff seyn rechte seytten und stich ym oben eyn zw dem gesichtt und wendt daß messer daß dy stumpff schneyd unten stee etc
Item so dw alzo auff dy rechten seytten gestochen hast ym durchgen alzo magstu auch yndeß durchczucken und wyder umb stechen auff seyn lincke seytten
und versuech dich ob dw yn durch payde wang mugst stechen und thue dem alzo so dw zw dem man kumbst yn dem zw vechten alz vor yndeß haw starck eyn oberhaw auff yn alz vor yndeß gee
