This page needs to be proofread.
und far auff mit deym gehultz und secz ym den ortt auff seyn prust oder yn daß angesichtt etc
Bebappendt wiltu wer strauffen
Mit gehulcz soelt uberlauffen
Reyß starck auff deyn rechte seytten
Mit dem fuß zw ruck ler schreytten
Hye lert der meyster wye man daß messer zw gewappunder handt eynem soel nemen und spricht gewoppend wiltu etc Daß soltu alzo verstan haüt er auff dich von seyner rechten seytten auff deyn lincke so peug auff mit deynem messer und mit deyner lincken hand far yndeß yn dy mit deyneß messerß und vach den schlag czwischen deyn peyde hende uff daß messer yndeß far mit deynem gehulcz ynbendigß und von oben uber seyn hand yn daß gelenck außbendig und reyß
