This page needs to be proofread.
wiltu so soltu albegen yn dy swech deß messerß fallen mit deyner rechten hand etc
Item eyn ander pruch scheüb yn von dir mit deyner lincken hand und nymb daß gebichtt bey dem olpogen und greuff ym foren mit deyner rechten hand seyn rechte schreyt mit dem lincken fuß fuer seyn rechten
Item eyn ander prüch scheüb yn starck von dir bey dem oelpogen mit deyner lincken hand scheub yn auff seyn lincke seytten yndeß laß deyn messer fallen und greuff ym außbendigß yn seyn glenck seyneß rechten peynß heb yn auff und wirff yn auff seyn lincke seytten etc
Item aber eyn pruch scheub yn von dir aber bey seynem lincken rechtem ölpogen und greuff mit deyner rechten hand an seyn rechteß payn nohendt pey dem fuß und
