recht verstanden so peleybest wol lang meyster
merck etlich prüch sey dy geen zw ee der man yn dy hand greufft und dy soel man machen yndeß so er greuffen wil yn dy hand yndeß so er wil uber den armen schlagen yndeß so er wil peschlyssen yndeß stechen hawen schneyden beschlyssen etc
wann etliche stuck dy syn alz pald er dich yn dy wag pringtt so kanstu hart an not ledig werden
¶ eß ust pöß teyding wenn eyner ym stock ligtt und nyndert mag kummen darnach wyß dich zw richten etc
Item etlich pruch genen zwe So der man gancz gefast hatt und wye dy pruch felen wenn dw zw lang harrest oder lang peytest alzo felen etlich pruch so dw sy zw schnel machest etc
Item dw hast manigerlay stuck und pruch schymphflich und ernestlich gefellt dyr eyneß nicht so nymb eyn anderß versteest dw eß recht So wirt eß dir gefallen
