This page needs to be proofread.
auff deyn rechte seytten So nymbstu ym aber daß messer etc
Item wil er dir mit dem gehulcz ynbendigß deyn hand nyder stossen yndeß wend deyn schneyd ubersich an seyn[1] handt und schneyd yn dar eyn und far mit dem schnydt starck ubersich auff deyn lincke seytten etc
Item wil er dir deyn hand nyder stossen außbendigß mit seym gehulcz So wendt deyn schneyd außbendigß yn seyn hand und schneyd starck untersich auff deyn rechte seytten etc
Item habtt Ir peyde an gepünden alz vor und er wil dir außbendigß uber deyn hand mit dem gehulcz fallen yndeß wyndt deyn messer mit deym gehulcz unter deyn armen und senck den ortt ym yn seyn uchsen oder rechte seytten oder wyndt ym yndeß dy kurcz schneyd auff seyn kopff seyner rechten seytten etc
- ↑ Written as "deyn" and then changed.
