This page needs to be proofread.
der erden und haw ym mit deyner rechten durch seyn kopff auff seyner rechten seytten etc
Item hautt er dir von oben eyn eynen oberhaw auff deyn lincke seytten yndeß peug deyn messer unter daß seyn yndeß stoß mit deyner lincken hand auff seyn rechte ynbendigß oben nyder und haw yn durch den kopff amen
Den olpogen ler fassen
Schewb linck haw recht zw der taschen
Hye sagtt der meyster von eynem stuck daß do schimphfflich ist zw treyben wil dw daß stuck machen So thue ym alzo So dw auff yn pyndest auff seyn lincke seytten yndeß schlag umb zw seyner rechten seytten und ym schlag far hynter an seynen rechten ölpogen und stoß yn fast von dir auff seyn lincke seytten und yndeß
