This page needs to be proofread.
deyn messer an daß seyn den ortt zw dem gesichtt alzo daß dy rechtt schneyd oben stee und dy stumpff unten und haltt mit deynem gehulcz wol hyn dan auff deyn lincke seytten und stich ym zw dem gesichtt seyner lincken seytten und erbayt yndeß etc Sequitur textus
Den storchschnabel soltü erlengen
Daß fuer paÿn zw rück ler prengen
Hye sagtt der meyster wye man daß stuck daß do heysset der storch schnabel machen söl nw wiltu den storchschnabel machen So thue ym alzo stee mit deynem lincken fuß fuer und haltt deyn messer auff deyner rechten seytten bey deynem rechten fuß oder ob deynem rechten knye daß der ortt gegen dem man stee und gib dich ploß mit deyner lincken seytten hawtt er dir den alzo nach der plöß So ruck deynen lincken fuß
