Ratio impingendi pectori hostis clypeum orbicularem.
In hac pugna intro procedes pede sinistro, atque clypeum pectori hostis impellere conaberis. Sed si is idem contra te molitus est, suppresso manu tua clypeo hostili eum imoetum repelles. Postea ense sinistra correpto, adiunctoque clypeo mucrone a superne gubernato pudenda eius figito, inde pedem dextrum adversarii genu sinistro si adplicaris eum propellas. Verum si adversarius idem sit olitus, attracto clypeo orbiculari pedem sinistrum referes, et mucrone visum ipsius pingas. Sed cum eundem impetum ense hostis repellat, quam celerrime poteris in latus eius dextrum sinistro pede concedas, atque si ictu transversario caput ipsius quassaris, gemino gradu ab hoste recedas.
