Wiktenauer logo.png

Page:Cod.icon. 393 I 037v.jpg

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

Alia incisio conversa.

Item cum utrique accedendo ad invicem ensibus coniungimini proxime, diligenter utriusque brachii observes hostis nuditatem, et aciem longam dextro eius brachio versus humerum dextrum adiungito, atque cruce ensis tui constituta subter eius axillam dextram, eomodo a facie tua propellito. Verum si is te propulerit ratione eadem constitutis pro capite tuo manibus crucis instar, tum longissime dextrum crus porrigere non dubites sinistro retracto, mucronem tuum in eius faciem figito. Sin vero hostis exciperit, celeriter id observabis, ut versus eius nuditates quattuor, utriusque lacerti tum etiam capitis inferne et superne ferias. Sed si adversarius te hac ratione fuerit aggressus, tum inclina, atque ex aratro accingas te firmiterque e supernis ferito, excipiente id adversario consequere dextro, superne duplica, inferne mutato ac vicissim eius nuditates conquirito.