Wiktenauer logo.png

Page:Cod.icon. 393 I 053r.jpg

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

Mucro dexter et sinister.

Hunc in modum te in mucronem sinistrum adaptabis: praefigito crus dextrum atque ensem contineto brachiis directis supra caput, ita ut retrorsum mucro vergat, consequutus sinistro, mucronem in faciem adversarii impellito de latere tuo sinstro versus ipsius dextrum. Verum si is exceperit, tum in mucronem pendentem te convertas, et dupliciter versus adversarii latus sinistrum ferias. Sin autem dextro innitens contra eum constiteris capulo pro capite constituto, mucrone versus adversarium directo, atque dupliciter contra te feriat, excipito, inde autem loco ensis tui infirmiori dupliciter utitor. Interimque proximas nuditates supernas duas quaerito. Cum vero is modo eodem fuerit usus, avertes, subitoque acie brevi contra caput ipsius ferito. Sed si id exceperit, tum celerrime inflectito in faciem adversarii, insequutusque pede dextro, superne eius caput gladio tuo quassabis strenue.