Wiktenauer logo.png

Page:Cod.icon. 393 I 065r.jpg

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

Ictus superior unde appetuntur genitalia mucrone.

Si prope ad invicem congressi fueritis, atque ictum qui nomen est sortitus ex ira, cuius etiam supra mencio facta est, feriundo usurpetis, diligenter observabis an firmiter vel minus, ensem adversarius contineat. Sin infirmiter, tum stringendo caput eius appetes, si eadem contra te moliatur adversarius, tum ensem in latus tuum dextrum si inclinanaris, eius ictum eludes, interim vero pedem sinistrum inter adversarii pedem utrumque interponito, removetoque ab ense tuo manum sinistram eaque inter brachium utrumque mentum eius impellito, et eo impulsu sese in ruinam daturus est. verum in ipso casu adversarii medium ensem arripe manu laeva, eoque modo mucronem genitalibus, velcuicunque corporis parti volueris, impellito.