Cautela
Cum vero hostis remota dextra eadem brachium corripuerit tuum, atque te tentarit, inde autem eandem superne transmiserit, tum medium adpraehendito, atque si sinistram addideris in auxilium dextrae hostem deiicias.
Alia luctae effigies
Sinistrum pedem praefigas, atque sinistrorsum adversarium praecipites, pedeque sinistro retrorsum urgeas, subito autem dextro pede procedito, atque coincidas in ipsius pedem sinistrum, cancellatione autem pede dextro utitor ita ut per eundem consternatur, vel firmiter ipsius diphteram contineas. Inde si eum praecipitaveris, adversarius ruere cogetur.
Lucta ex accursu
Cum colluctaris cum aliquo ex accursu, si prope concurristis tum memineris ut brachium dextrum externe consistat, sinistrum vero interne. Si igitur adversarius pedem praeposuerit, tum ea manu quae contra hostis pedem constituta est, pedem prae