Si cum forti aliquo colluctaris, qua ratione utendum
Si cum aliquo forti luctaris, mutuoque vos corripuistis, atque vi continuerit te, tum manu sinistra maxillam illius adprehendito, eumque repellas abs te. Sed quamprimum is aperuerit, iuncturam ipsius dextra manu subito corripias. Post adversarium dextro pede antecedas, et ea ratione ipsum prosternis, pariterque brachium ipsius disrumpis. Eum habitum utrinque exercere poteris.
Aliud
Quum adversarius pari ratione te comprehenderit, et utrumque brachium intercluserit, nec non altero pede antecedere te conabitur, tum subito dextra manu tuam sinistram corripito. Inde si pro viribus anteversum protraxeris, brachium disrumpas licebit. Is itidem habitus utrinque exercetur.
Alia luctae species
Si cum quopiam forti colluctaris pari correptione accurate observabis, si adversarius te adtrahere conetur vel comprimere ut ipsius dextrum brachium utroque brachio comprehendas, atque humerum tuum
