Alia luctae effigies
Cum adversarius te praevenit, atque brachium utrunque subiecerit, et corpori tuo adplicarit, inde autem sternere vel comprimere te moliatur tu manum utranque capiti adversarii imponito, atque si superne abs te urgeas retrorsum vero depresseris, ipsius collum infringes.
Correptionis effigies
Si adversarius diphteram tuam manu sinistra corripuerit, atque dextra inferne adprehenderit, tum iuncturam itidem sinistra amplectitor adversarii. Inde si retrorseris cubitum dextrum brachio ipsius superne adplices, atque deorsum supprimas. Utrinque id exerceas.
Ratio infringendi brachii
Sin autem brachium hostis demiserit sinistrum vetetque ne circumflectere possis brachium tum inferne adversarii brachium dextrum concludas utroque brachio tuo prope iuncturam. Ea ratione si sustuleris sursum, brachium ipsius infringes. Et hoc utrinque formatur.
