Wiktenauer logo.png

Page:Der Allten Fechter gründtliche Kunst (Christian Egenolff) 1531-1537.pdf/14

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Das erst Leger würdt genannt Hochort oder Ochs, als die Alten wöllen, Und würt vil darauß genommen.

Wer dir ober hawet,
 Zornhaw dem drawet.
Würt ers gewar,
 Nims oben ab one fahr.
Biß stercker wider.
 Wind, stich, sihet ers, nims oben wider.
Das eben merck,
 Haw, stich pind leger, weych oder hert
In des und darnach,
 An hut dem krieg sei nit gach.
Wes der Krieg raumet,
 Oben nider würt er geschamet.
In allen Winden,
 Häw, stich, schnid lere finden.

Flügel.

Flügel nim aus der Obern hut oder Hochort, Den Ersten streych von tach zu dem lincken ohr, Den andern von unden mit dem trit deiner lincken seiten. Den dritten streych, hinder sich auff den kopff.

Bruch diß vorgeschribenen.

Flügelt dir einer zu, versetz den ersten von tach, Den andern steck von unden mit deiner langen schneid, und greiff mit deiner lincken handt an seinen schwerts knopff, so würffestu ihn über sein schwerdt.

Text.

Zornhaw, komp, twer,
 Hat Schiler mit Scheytler,
Alber versetzt,
 Nachraisen, Uberlauff, haw, letzt.
Durchwechsel, zuck,
 Durchlauff, abscheid, hendtruck
Heng, wind mit plössen,
 Schlag wach streych mit stößen.

Kron.

Tritt unnd schlag von oben mitt deiner langen schneid durch, auff sein linck ohr. Den andern trit un schlag mit kurtzer schnei